Breaking News: MABAUNSA WA CCM WAPIGA NA KUJERUHI MSAFARA WA SHEIN

Taarifa za hivi punde ambazo zimethibitishwa kutoka vyanzo vya kuaminika zimesema kuwa, mabaunsa wa CCM wamepiga na kuwajeruhi watu kadhaa ambao walikuwa kwenye msafara wa Makamu Mwenyekiti wa chama hicho, Mohamed Shein, wakidhani ni makamanda wa CHADEMA.

Habari zimeeleza kuwa mabaunsa hao wameletwa kwa ajili ya kufanya vurugu, kupiga, kutesa, kuteka, kujeruhi na kuua wapinzani wa CC, ambapo walengwa ni CHADEMA, kama ilivyo ada ya chama hicho tawala kufanya hivyo kwenye chaguzi mbalimbali, hususan kinapokuwa kimezidiwa na kupata hofu ya kushindwa, wamepiga na kujeruhi takriban watu 9.

Mabaunsa hao wakiwa kwenye operesheni ya kile 'walicholetewa' Chalinze, jioni hii, wamewakuta watu waliodhani kuwa ni makamanda wa CHADEMA katika eneo la Msoga (kwa bwana mkubwa), wakaanza kuwashushia kipigo kikali, kisha wapigaji hao wakakimbia.

Katika watu hao 9 waliopigwa na mabaunsa hao wa CCM, wamo maofisa wa UWT, mtoto wa Mkuu wa Wilaya ya Bagamoyo na waandishi wa habari na watu wengine ambao hawajafahamika vizuri 'majukumu' yao kwenye msafara huo ambao leo ulikusanya watu wengi kwa kuwasomba kwa malori kutoka maeneo mbalimbali kwenda kujaza mkutano wa kufunga kampeni huko Miono.

Pamoja na kukimbia, mabaunsa hao walikamatwa wakiwa kwenye gari yao aina ya Land Cruiser 'hard top' ambapo ilipofikishwa kituo cha polisi 'mjini' hapa, limekutwa na mapanga, marungu, kamba, tindikali na petroli.

Kitu cha kushangaza katika tukio hilo ni kwamba vijana hao wameachiwa pamoja na gari lao na silaha walizokuwa nazo, bila kufunguliwa jalada la kesi, baada ya msemaji wa CCM kufika kituoni hapo na maelekezo maalum.

Waliopigwa na kujeruhiwa, inasemekana wamekimbizwa hospitalini Dar es Salaam, kwa maelekezo maalum pia...

Sasa uharamia umeanza kuwageukia...