WAJUE WAGOMBEA UDIWANI WA CHADEMA KWENYE KATA 16 ZA KANDA YA KASKAZINI

CHMA CHA DEMOKRASIA NA MAENDELEO – CHADEMA

KANDA YA KASKAZINI

(Tanga, Kilimanjaro, Arusha & Manyara)

TAARIFA KWA UMMA

WAGOMBEA WA UDIWANI - KANDA YA KASKAZINI

Tarehe 26 Oktoba 2017, wagombea wafuatao walipitishwa na TUME YA TAIFA YA UCHAGUZI kuwania nafasi za uwakilishi (UDIWANI) kwa marudio ya uchaguzi mdogo katika maeneo ya kata mbalimbali zilizopo kwenye mikoa ya Kanda ya Kaskazini kwa tiketi ya Chama cha Demokrasia na Maendeleo – CHADEMA.

Wagombea hawa wote wamepita katika mchujo wa uteuzi wa chama. Aidha, chama kina matarajio makubwa sana kuwa wananchi wa maeneo haya ya kata hizi watapata fursa nzuri ya kuwachagua wagombea wa CHADEMA ambao wana dhamira njema sana na ya kweli katika kuwatumikia.

Jumla ya KATA zitakazokuwa na uchaguzi ni 16, Mkoa wa Tanga ukiwa na kata 3, Mkoa wa Kilimanjaro kata 4, Mkoa wa Arusha kata 8 na Mkoa wa Manyara kata 1.

Wagombea waliopitishwa pamoja na mikoa yao ni:

Na.	MKOA	JIMBO	KATA	JINA LA MGOMBEA
1	Arusha	Arusha Mjini	Muriet	Simon Moses Mollel
		Monduli	Moita	Lobulu Lerango Kivuyo
		Arumeru Magharibi	Musa	Eliud Loomon Laiser
		Arumeru Mashariki	Ambureni	Dominick E. Mollel
			Makiba	Joyce Ruto
			Maroroni	Asanterabi Lazaro Mbise
			Leguruki	Rabiel  Fanuel Mbise
			Ngabobo	Emmanuel Fanuel Salewa
2.	Kilimanjaro	Hai	Machame Magharibi	Elibariki Lema
			Mnadani	Ezra John Nyari
			Weruweru	Moses Josephat Kalaghe
		Moshi Mjini	Bomambuzi	Heldaki Verelian Minde
3.	Tanga	Mlalo	Lunguza	Josia Shemeta
		Bumbuli	Mamba	Jafari Ndege
		Korogwe Mjini	Majengo	Abdalah Khalid Maonga
4.	Manyara	Hanang	Nangwa	Yohana Baha Dafi

Katika marudio ya uchaguzi huu CHADEMA imejipanga kushiriki kikamilifu sana tukiwa na uhakika kuwa chama kimewapa wananchi wapiga kura chaguo lao. Tumezingatia uwezo wa wagombea, utayari wa wagombea wetu kushirikiana na kuwatumikia wananchi na dhamira njema ya kutatua matatizo na kero za wananchi.

CHADEMA Kanda ya Kaskazini tunawakumbusha na kuwahamasisha wananchi  kushiriki na kufuatilia kampeni na wajitokeze kwa wingi kwenda kupiga kurasiku ya tarehe 26 Novemba 2017, aidha tunalitaka jeshi la polisi lifanye kazi yake kwa weledi bila kuonekana linapendelea chama fulani, sambamba na wasimamizi wa uchaguzi (TUME) kusimamia uchaguzi kwa misingi ya HAKI. CHADEMA Kanda ya Kaskazini haitavumulia uhuni, jinai au matendo yoyote wakati wa kampeni na siku ya uchaguzi yatakayotendwa na YOYOTE kwa nia ya kuvuruga kampeni au kuharibu kile wananchi walichokiamua kupitia sanduku la kura.

Imetolewa leo tarehe 27 Oktoba 2017.

Amani Golugwa

Katibu wa Kanda ya Kaskazini 

+255 754 912 914 au 0784 343 275

golugwa@gmail.com

Taarifa kwa UMMA – Wagombea UDIWANI Kaskazini​ 2